У Вільні -- Казюкас з 5 па 7 сакавіка, а ў Гародні Казюкі ўжо сёння

З 5 па 7 сакавіка ў Вільні пройдзе традыцыйная ярмарка майстроў Казюкас. Віленчукі і наведнікі старадаўняй сталіцы змогуць адведаць традыцыйныя кулінарныя стравы з розных куткоў Літвы, а таксама бліжняга замежжа. Майстры прадставяць на продаж свае вырабы. Будзе разнастайная культурная праграма. Шапікі майстроў сёлета расцягнуцца аж да Сейма, займуць фактычна ўвесь праспект Гедыміна, будуць імпрэзы праходзіць і ў іншых частках старога горада, а на Лукішках пройдзе так званы "альтэрнатыўны Казюкас" з адмысловым моладзевым твістам.

Пачынаючы з гэтага году, кожны літоўскі Казюкас плануюць прысвячаць аднаму з этнарэгіёнаў Літвы. Сёлетні прысвечаны Дзукіі (рэгіён Літвы, які мяжуе з Беларуссю, а паводле літоўскіх этнографаў распаўсюджваецца і на частку паўночна-заходняй Беларусі). На Ратушным пляцы будуць розныя інсталяцыі прысвечаныя традыцыям дзукаў, будуць выступаць народныя ансамблі, прадавацца іх выбары.

Расклад святочных мерапрыемстваў у Вільні паглядзець можна тут (па-літоўску).

Ёсць свае Казюкі не толькі ў Вільні, але і ў Горадні, дзе ярмарка пройдзе 4 сакавіка. Сярод арганізатараў гарадзенскіх Казюкоў Саюз палякаў на Беларусі.

westki.info